2024-10-16 17:40:11, 348 ნახვა

---

ენმ - ჩვენს წარმომადგენლებს ისნის საარჩევნო ოლქთან ცივი იარაღით შეიარაღებული „ძველი ბიჭები“ დახვდნენ

"ერთიანი ნაციონალური მოძრაობის" ინფორმაციით, პარტიის წარმომადგენლებს N5 ისნის საარჩევნო ოლქთან ცივი იარაღით შეიარაღებული "ძველი ბიჭები" დახვდნენ.

როგორც ოპოზიციური პარტიის მიერ ცოტა ხნის წინ გავრცელებულ განცხადებაშია ნათქვამი, ენმ-ის წარმომადგელებს შეიარაღებული პირები "ქართულმა ოცნებამ" "მიუგზავნა".

"მაშინ, როდესაც N5 ისნის საოლქო საარჩევნო კომისიასთან, "ერთიანობა-ნაციონალური მოძრაობის" წარმომადგენელი მარიამ დოლიძე ინტერვიუს აძლევდა ტელევიზიას სპეციალური სიების დამტკიცებასთან დაკავშირებით, რომელსაც ვერ არეგისტრირებდა ამავე ოლქის კომისია, ადგილზე გამოჩნდნენ "ქართული ოცნების" მიერ მიგზავნილი, ცივი იარაღით შეიარაღებული "ძველი ბიჭები". მოისმინეს რესპონდენტისა და ჟურნალისტის საუბარი და ამას მოჰყვა სიტყვიერი შეურაცხყოფა "ქართული ოცნების" "ტიტუშკების" მხრიდან",- აღნიშნულია განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი