2024-10-10 16:01:13, 343 ნახვა

---

ერმაკი კობახიძის განცხადებაზე - ქართველ ხალხს მშვენივრად ესმის სიმართლე და უკრაინელებს მხარს სწორედ ამიტომ უჭერს

უკრაინის პრეზიდენტის ადმინისტრაციის ხელმძღვანელი ანდრეი ერმაკი გამოეხმაურა საქართველოს პრემიერ-მინისტრის, ირაკლი კობახიძის განცხადებას უკრაინის ომის კადრების საარჩევნო ბანერებზე გამოყენებასთან დაკავშირებით.

როგორც ერმაკმა აღნიშნა, ქართველ ხალხს ესმის სიმართლე და უკრაინელებს მხარს ამის გამო უჭერს.

"ვნახე ეს განცხადება. დარწმუნებული ვარ, ქართველ ხალხს მშვენივრად ესმის სიმართლე და სწორედ ამიტომ უჭერს მხარს უკრაინელებს რუსეთის აგრესიის წინააღმდეგ ბრძოლაში",- წერს ერმაკი Telegram-ზე.

შეგახსენებთ, საქართველოს პრემიერ-მინისტრმა, ირაკლი კობახიძემ ტელეკომპანია "იმედის" ეთერში განაცხადა, რომ საქართველოს მოსახლეობას არ ჰქონდა ინფორმაცია, თუ რა ხდება რეალურად უკრაინაში და "ქართული ოცნების" წინასაარჩევნო "ბილბორდებმა გააშიშვლა სიმართლე".

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი