2012 წლამდე ქვეყანაში ფუნქციონირებდა 12 იუსტიციის სახლი, მას შემდეგ აშენდა დამატებით 109, დაგეგმილია წელს და მომავალ წელს დამატებით 12 იუსტიციის სახლის მშენებლობა, - ამის შესახებ „ქართული ოცნების“ საარჩევნო შტაბის ხელმძღვანელმა, პრემიერ-მინისტრმა, ირაკლი კობახიძემ საარჩევნო პროგრამის პრეზენტაციისას განაცხადა.

როგორც ირაკლი კობახიძემ აღნიშნა, იუსტიციის სახლებში გაორმაგებულია სერვისების რაოდენობა, რაც არანაკლებ მნიშვნელოვანია მოქალაქეებისათვის. 

„რაც შეეხება საჯარო სერვისებზე ხელმისაწვდომობას, აქ ცალკე გამოვყოფ იუსტიციის სახლების პროგრამას. მთლიანად ქვეყნის მასშტაბით მხოლოდ 12 იუსტიციის სახლი ფუნქციონირებდა 2012 წლამდე, მას შემდეგ აშენდა დამატებით 109 იუსტიციის სახლი და წელს და მომავალ წელს დაგეგმილია დამატებით 12 იუსტიციის სახლის მშენებლობა, გახსნა. ამით დასრულდება მთლიანად ეს პროექტი.

მთელი ქვეყნის მასშტაბით ჩვენ გვექნება იუსტიციის სახლები და ყველა მუნიციპალიტეტი იქნება აღჭურვილი შესაბამისი ინფრასტრუქტურით. ამას ემატება მობილური იუსტიციის სახლის პროექტი, რის საფუძველზეც მოშორებით მდებარე სოფლებიც არიან აღჭურვილი შესაბამისი სერვისებით. ასევე გაორმაგებულია იუსტიციის სახლებში სერვისების რაოდენობა, რაც არანაკლებ მნიშვნელოვანია ჩვენი მოქალაქეებისათვის“,- განაცხადა ირაკლი კობახიძემ. 

მისივე თქმით, ძალიან მნიშვნელოვანი პროექტი იყო მიწის სისტემური რეგისტრაცია. 

„რაც შეეხება მიწის სისტემურ რეგისტრაციას, ძალიან მნიშვნელოვანი პროექტი იყო მადლობა იუსტიციის სამინისტროს, რატი ბრეგაძეს ამ პროექტის ინიცირებისა და განხორციელებისთვის. მილიარდ-ნახევარი მიწის ნაკვეთის აზომვა განხორციელდა ამ პროექტის ფარგლებში გასული წლების განმავლობაში და მილიარდ ნაკვეთზე უკვე განხორციელდა რეგისტრაცია.

დამატებითი ბიუჯეტი იქნება გამოყოფილი მომდევნო წლების განმავლობაში, რათა დამატებით ეს ხუთასი ათასი ნაკვეთიც დარეგისტრირდეს შესაბამის მფლობელებზე. ძალიან დიდია მოცვა მოქალაქეების კუთხით, რაც აქვს ამ პროექტს და კიდევ ერთხელ დიდი მადლობა ამ პროექტის განხორციელებისთვის“,- განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა