ამერიკის საელჩო და ევროკავშირის საელჩო, აცნობიერებენ რა, რომ ეს რადიკალები და უსამშობლოები, გარდა "ნაცებისა", ვერ გადალახავენ ბარიერს, ამიტომ, ახლა ჩაერთნენ წინასაარჩევნო კამპანიაში,- ამის შესახებ "ქართული ოცნების" დეპუტატმა, ირაკლი ზარქუამ ჟურნალისტებს განუცხადა.

როგორც ზარქუამ აღნიშნა, ევროკავშირის და აშშ-ის ელჩები, თანამოაზრეებთან ერთად, "ჩართულები არიან წინასაარჩევნო კამპანიაში, რადგან მათი აგენტურა აგებს".

ზარქუას თქმით, უცხო ქვეყნის წარმომადგენლებს საქართველოს შიდა საქმეებში ჩარევის უფლება არ აქვთ.

"მე ეს შთაბეჭდილება მრჩება, რომ როგორც ერთი, ისე მეორე ქვეყნის ელჩი და დანარჩენებიც, ვინც მათი გაერთიანების, "საძმოს" წევრები არიან, ჩვენს ქვეყანას უტევენ, არადა, კანონი ამბობს, რომ უცხო ქვეყნის ჩარევა შიდა საარჩევნო საქმიანობაში მიუღებელია.

ამიტომ, მე მოვუწოდებ ბატონ ელჩებს, პატივცემულ საზოგადოებას: იქნებ, დაიცვათ კანონი; იქნებ, გაიაზროთ, რომ თქვენი ეს ქმედებები, არასწორი, მიუღებელი და უარგუმენტო განცხადებები და "ქარდები", არაფერში წერია.

ჩვენ გვესმის, რომ თქვენი აგენტურა აგებს, თქვენს აგენტურას მხარდაჭერა არ აქვს საქართველოს მოსახლეობაში და ამიტომაც ხართ შეშფოთებული, აღშფოთებული და თავიდან ბოლომდე ჩართული ხართ წინასაარჩევნო კამპანიაში. შეგახსენებთ, რომ თქვენ ამის უფლება არ გაქვთ და საქართველოს მოსახლეობამ იცის ამის შესახებ",- ამბობს ზარქუა.

ავტორი: ექსპრესნიუსი,

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები