2024-10-04 13:59:39, 404 ნახვა
პოლიტიკა
მდინარაძე - მოვუწოდებ ამერიკის საელჩოს, „ნაცმოძრაობისგან“ გვერდის მართვის ფუნქცია დაიბრუნოს
"ქართული ოცნების" აღმასრულებელი მდივანი და საპარლამენტო უმრავლესობის ლიდერი მამუკა მდინარაძე ამერიკის შეერთებული შტატების საელჩოს განცხადებას სოციალურ ქსელში ეხმაურება.
მდინარაძე "ფეისბუქის" ოფიციალურ გვერდზე განცხადებას აქვეყნებს და აშშ-ის საელჩოს მოუწოდებს, "ნაცმოძრაობისგან" გვერდის მართვის ფუნქცია დაიბრუნოს.
"მოვუწოდებ ამერიკის საელჩოს, დაიბრუნოს გვერდის მართვის ფუნქცია "ნაცმოძრაობისგან", რომელმაც ამჯერად იერიში უკრაინის, მოლდოვის და სხვა ევროპულ დემოკრატიებზე მიიტანა, სადაც ათეულობით პარტია არის აკრძალული!" - წერს მდინარაძე.
ცნობისთვის, დღეს, 4 ოქტომბერს საქართველოში ამერიკის შეერთებული შტატების საელჩომ სოციალურ ქსელში დაწერა: "დემოკრატიები ოპოზიციას არ კრძალავენ".
ავტორი: ექსპრესნიუსი,
epn.ge (@expressnews.ge)
