სამხრეთ კავკასია დანის პირზეა,- ამის შესახებ ამერიკის შეერთებული შტატების ჰელსინკის კომისია სოციალურ ქსელში წერს.

როგორც ჰელსინის კომისია გამოქვეყნებულ განცხადებაში უთითებს, რუსეთი ცდილობს, რომ რეგიონზე კონტროლი კონფლიქტების გაღვივებით შეინარჩუნოს.

ამავე განცხადებაში კომისია აღნიშნავს, რომ სომხეთი, რომელიც ისტორიულად რუსეთის ერთ-ერთი უახლოესი მოკავშირეა, მოსკოვს შორდება, ამ ფონზე კი, საქართველოში "ქართული ოცნების" მთავრობა რუსეთისა და არალიბერალური ორიენტაციისკენ არის მიმართული. 

"სამხრეთ კავკასია დანის პირზეა. რუსეთი ცდილობს, შეინარჩუნოს თავისი კონტროლი რეგიონული კონფლიქტების გაღვივებით. შეერთებულმა შტატებმა და ჩვენმა მოკავშირეებმა უნდა გადახედონ ჩვენს მიდგომას. სომხეთი, ისტორიულად რუსეთის ერთ-ერთი უახლოესი მოკავშირე, მოსკოვს შორდება. ამავდროულად, აზერბაიჯანი აძლიერებს კავშირებს რუსეთთან და ამას აბალანსებს NATO-ს წევრ თურქეთსა და ევროკავშირთან თანამშრომლობითა და ხანგრძლივი ურთიერთობით.

ამავდროულად, საქართველოს "ქართული ოცნების" მთავრობა რუსეთისა და არალიბერალური ორიენტაციისკენ არის მიმართული და როგორც ჩანს, მან გვერდი აუარა თავისი ხალხის პროდასავლურ განწყობებს. პრორუსული პოზიციისკენ ეს შემოტრიალება სერიოზულ შეშფოთებას იწვევს.

შეერთებულმა შტატებმა უნდა გამოიყენოს ორმაგი მიდგომა კავკასიის მიმართ, გაზარდოს ანგარიშვალდებულების ზომები დემოკრატიული უკანდახევისთვის და უზრუნველყოს მექანიზმები დასავლურ ინსტიტუტებთან უფრო ღრმა, ძლიერი ინტეგრაციისთვის. წინსვლის გზა არის ის, რაც ჩვენ ერთად უნდა შევქმნათ",- აღნიშნულია ჰელსინკის კომისიის განცხადებაში.

ავტორი: ექსპრესნიუსი,

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები