2024-09-24 12:26:49, 335 ნახვა
მსოფლიო
ბორელი - ისრაელსა და „ჰეზბოლას“ შორის ესკალაცია თითქმის ფართომასშტაბიანი ომია
ესკალაცია ისრაელსა და ლიბანის "ჰეზბოლას" შორის თითქმის ფართომასშტაბიანი ომია,- ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი ჯოზეფ ბორელი აცხადებს.
როგორც ბორელმა ჟურნალისტებთან საუბრისას აღნიშნა, "სიტუაცია უკიდურესად საშიში და შემაშფოთებელია".
"ეს სიტუაცია უკიდურესად საშიში და შემაშფოთებელია. შემიძლია ვთქვა, რომ ჩვენ თითქმის ფართომასშტაბიან ომში ვართ... თუ ეს არ არის საომარი ვითარება, მე არ ვიცი, რას დაარქმევთ მას",- ამბობს ბორელი.
მისივე თქმით, ფართომასშტაბიანი ომის თავიდან ასაცილებლად ყველანაირი დიპლომატიური ძალისხმევის გამოყენებაა საჭირო.
ავტორი: ექსპრესნიუსი,
epn.ge (@expressnews.ge)
