2024-09-14 14:17:44, 342 ნახვა
მსოფლიო
მედია - ირანმა ორბიტაზე კვლევითი თანამგზავრი Chamran-1 გაუშვა
ირანმა ორბიტაზე კვლევითი თანამგზავრი Chamran-1 გაუშვა. ამის შესახებ ინფორმაციას ირანის სახელმწიფო მედიია ავრცელებს.
მედიის ცნობით, ეს მიმდინარე წელს ირანის მიერ ორბიტაზე წარმატებით უკვე 2 სატელიტია გაშვებული.
"სატელიტი ორბიტაზე „ისლამური რევოლუციის გუშაგთა კორპუსის“ აეროკოსმოსური ტექნოლოგიების ექსპერტების მიერ შექმნილი რაკეტის საშუალებით გაიყვანეს", - წერს მედია.
თანამგზავრი, რომელიც რამდენიმე ირანული კომპანიისა და ინდუსტრიული ჯგუფების მიერ შეიქმნა, დაახლოებით 60 კილოგრამს იწონის.
ირანის ხელისუფლება უარყოფს პენტაგონის ბრალდებებს, რომ მისი სატელიტური საქმიანობის ფარგლებში ხდება ბალისტიკური რაკეტების განვითარება.
ავტორი: ექსპრესნიუსი,
epn.ge (@expressnews.ge)
