ამერიკის შეერთებულმა შტატებმა რუსეთის დაზვერვის 5 თანამშრომელს და რუსეთის ერთ მოქალაქეს უკრაინისა და მისი მოკავშირეების წინააღმდეგ კიბერშეტევების შეთქმულების მომზადებისთვის ბრალი წაუყენა, შეთქმულების მიზანი უკრაინის შესუსტება იყო. ამის შესახებ ინფორმაციას Reuters-ი ავრცელებს.

როგორც სააგენტო წერს, გამოქვეყნებულ ბრალდებაში იუსტიციის დეპარტამენტმა აღნიშნა, რომ რუსეთის სამხედრო დაზვერვის სააგენტოს კიბერჯგუფი “მასშტაბურ კიბეროპერაციებს“ 2020 წლიდან ატარებდა - ჯერ კიდევ 2022 წელს უკრაინაში რუსეთის შეჭრამდე.

“თავდაპირველ საბრალდებო დასკვნაში, რომელიც მერილენდის საოლქო სასამართლოში ივნისის თვეში წარადგინეს, მხოლოდ ერთი ბრალდებული იყო დასახელებული. მას ბრალად ედებოდა შეთქმულების მომზადება რუსეთის სამხედრო დაზვერვის სააგენტოსთან ერთად, რომელიც ცნობილია, როგორც რუსეთის გენშტაბის მთავარი სამმართველო (GRU), უკრაინისა და სხვა ქვეყნების კომპიუტერულ სისტემებზე კიბერშეტევების განსახორციელებლად.

მანამდე, აშშ-ის ფინანსთა სამინისტრომ რუსეთის მთავრობის მიერ დაფინანსებულ საერთაშორისო სატელევიზიო ქსელს, Russia Today-ს და მის რამდენიმე თანამშრომელს სანქციები დაუწესა, მათ შორის, ტელეარხის მთავარ რედაქტორს, მარგარიტა სიმონიანსაც“,- ნათქვამია ინფორმაციაში.

ავტორი: ექსპრესნიუსი,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა