2016-02-19 21:53:44, 1214 ნახვა
სამართალი
გიგა ბუკია: რუსული გაზის მოხმარება არ შეიძლება და მარიხუანას მოხმარება შეიძლება ?
''რუსული გაზის მოხმარება არ შეიძლება და მარიხუანას მოხმარება შეიძლება ხომ?'' - ეს განცხადება საპარლამენტო უმრავლესობის წევრმა, გიგა ბუკიამ დღეს, მარიხუანას დეკრიმინალიზაციაზე მსჯელობისას გააკეთა.
როგორც მან აღნიშნა, ხაჩიძის ინიციატივას ეწინააღმდეგება და არ მიაჩნია, რომ მარიხუანას მოხმარება კრიმინალი არ არის.
''საქართველოს ოკუპირებულ ტერიტორიებზე რა ხდება, იქ არის დეკრიმინალიზებული ეს ქმედება, რუსეთის ინტერესშია ზუსტად. რუსული გაზის მოხმარება არ შეიძლება და მარიხუანას მოხმარება შეიძლება ხომ?'', - განაცხადა გიგა ბუკიამ.
ცნობისთვის, აღნიშნული კანონპროექტის განხილვა პარლამენტში დღეს მთელი დღის განმავლობაში მიმდინარეობდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
