2024-08-30 14:28:45, 393 ნახვა
მსოფლიო
ბორელი - ევროკავშირმა უკრაინისთვის 1 მილიონი დაპირებული საარტილერიო ჭურვებიდან 700 ათასი უკვე დაამზადა
ევროკავშირმა უკრაინისთვის 1 მილიონი დაპირებული საარტილერიო ჭურვებიდან 700 ათასი უკვე დაამზადა, - ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა განაცხადა.
როგორც ბორელმა აღნიშნა, ევროკავშირის წევრი ქვეყნების მრეწველობა იზრდება, შესაბამისად, ჭურვების წარმოებაც გაგრძელდება.
"ჩვენ ახლა დაახლოებით იმ დონემდე ვართ მისული, რომ 155 კალიბრის 700 ათასი ჭურვი უკვე დავამზადეთ. ჩვენ ჯერ სამიზნე მაჩვენებელს არ მივაღწიეთ, თუმცა დასავლეთი შესაძლებლობებს ზრდის", - განაცხადა ბორელმა.
ავტორი: ექსპრესნიუსი,
epn.ge (@expressnews.ge)
