2024-08-27 09:01:45, 468 ნახვა

---

რუსეთის მიერ უკრაინაზე განხორციელებული იერიშის შედეგად დაღუპულთა რაოდენობა 7-მდე გაიზარდა - დაშავებულია 47 ადამიანი

რუსეთის მიერ უკრაინაზე 26 აგვისტოს განხორციელებული იერიშის შედეგად დაღუპულთა რაოდენობა 7-მდე გაიზარდა, დაშავებულია 47 ადამიანი. ამის შესახებ ინფორმაციას "უკრაინსკაია პრავდა"   უკრაინის საგანგებო სიტუაციების სახელმწიფო სამსახურზე დაყრდნობით ავრცელებს.

მედიის ცნობით, სამაშველო სამსახურებმა მუშაობა მტრის მიერ დილით განხორციელებული მასირებული დარტყმების ყველა ლოკაციაზე დაასრულეს.

"რუსეთმა უკრაინის მიმართულებით საჰაერო თავდასხმის 236 საშუალება გაუშვა. უკრაინის საჰაერო თავდაცვამ 102 რაკეტა და 99 დრონი გაანადგურა.

რუსეთის საჰაერო იერიშის შედეგად უკრაინის 15 ოლქი, მათ შორის ვოლინის, ზაპოროჟიეს, დნეპროპეტროვსკის და ხარკოვის ოლქები დაზარალდა", - ნათქვამია ინფორმაციაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი