2024-08-25 18:37:55, 424 ნახვა
საზოგადოება
მედია - პენიტენციური დაწესებულების მე-2 განყოფილებაში პატიმარს სცემეს
პენიტენციური დაწესებულების მე-2 განყოფილებაში პატიმარს სცემეს. ამის შესახებ ინფორმაციას "აჭარა თაიმსი" პატიმრის ოჯახის წევრებზე დაყრდნობით ავრცელებს.
მედიის ცნობით, ნ.ბ-ს სხეულზე სხვადასხვა სახის დაზიანება აქვს მიყენებული. ის თავდაპირველად ქუთაისის ერთ-ერთ კლინიკაში იყო მოთავსებული, თუმცა მოგვიანებით თბილისში გადაიყვანეს.
"მედიისგან ვითხოვთ ყურადღებასა და საკითხის გაშუქებას, პასუხს არავინ გვცემს, ერთადერთი ის ვიცით, რომ პატიმარი ნაცემია, რთულ მდგომარეობაშია“,- აცხადებს ოჯახის ახლობელი.
ოჯახმა და ახლობლებმა ამ დრომდე არ იციან, ვინ იძალადა მსჯავრდებულზე, ან როგორია მისი ჯანმრთელობის მდგომარეობა.
ავტორი: ექსპრესნიუსი,
epn.ge (@expressnews.ge)
