2024-08-24 13:33:11, 502 ნახვა
მსოფლიო
Reuters-ი - ბრაზილიაში, სან-პაულუს შტატში ტყის ხანძრის შედეგად 30 ქალაქი დაზარალდა - არის მსხვერპლი
ბრაზილიაში, სან-პაულუს შტატში ტყის ხანძრის შედეგად 30 ქალაქი დაზარალდა, დაღუპულია 2 ადამიანი. ამის შესახებ ინფორმაციას Reuters-ი ავრცელებს.
ქვეყნის მთავრობის მიერ გავრცელებულ განცხადებაში აღნიშნულია, რომ ძლიერი ქარის გამო, შესაძლოა, ხანძარი სწრაფად გავრცელდეს, ამიტომ მოსახლეობას სიფრთხილისკენ მოუწოდებენ.
“უსაფრთხოებიდან გამომდინარე, შტატში 15 გზატკეცილი მთლიანად ან ნაწილობრივ არის ჩაკეტილი. ქალაქ ურუპესში დაიღუპა ერთ-ერთი სამრეწველო ქარხნის 2 თანამშრომელი, რომლებიც ხანძრის ჩაქრობას ცდილობდნენ. სან-პაულუს შტატის მთავრობამ ტყის ხანძართან საბრძოლველად სპეციალური საგანგებო კომიტეტი შექმნა“,- ნათქვამია ინფორმაციაში.
ავტორი: ექსპრესნიუსი,
epn.ge (@expressnews.ge)
