2024-07-23 21:56:01, 528 ნახვა
მსოფლიო
სიიარტო - უნგრეთი დაბლოკავს ევროპის მშვიდობის ფონდიდან 6,5 მილიარდი ევროს გამოყოფას, ვიდრე უკრაინა „ლუკოილის“ ტრანზიტს არ დაუშვებს
უნგრეთი დაბლოკავს ანაზღაურების გადახდას ევროკავშირის წევრი სახელმწიფოებისთვის, რომლებმაც კიევს იარაღი მიაწოდეს, ვიდრე უკრაინა თავის ტერიტორიაზე რუსული კომპანია „ლუკოილის“ ნავთობის ტრანზიტს არ დაუშვებს, - ამის შესახებ უნგრეთის საგარეო საქმეთა მინისტრმა, პეტერ სიიარტომ განაცხადა.
სიიარტოს თქმით, უნგრეთი და სლოვაკეთი ვეღარ იღებენ „ლუკოილისგან“ ნავთობს მილსადენ „დრუჟბის“ საშუალებით მას შემდეგ, რაც უკრაინამ „ლუკოილს“ გასულ თვეში სანქციები დაუწესა.
"ეს საკითხი ვიდრე არ მოგვარდება უკრაინის მიერ, ყველამ უნდა დაივიწყოს იარაღის გადაცემისთვის ევროპის მშვიდობის ფონდიდან 6,5 მილიარდი ევროს ანაზღაურების მიღება", - განაცხადა სიიარტომ.
ავტორი: ექსპრესნიუსი,
epn.ge (@expressnews.ge)
