2024-07-07 12:53:45, 425 ნახვა
მსოფლიო
საფრანგეთში საპარლამენტო არჩევნების მეორე ტური მიმდინარეობს
საფრანგეთში დღეს, 7 ივლისს საპარლამენტო არჩევნების მეორე ტური მიმდინარეობს.
BBC-ის ცნობით, ხმის მიცემის პროცესი საფრანგეთში ადგილობრივი დროით 08:00 საათზე დაიწყო და პირველი ეგზიტპოლის შედეგები გვიან ღამით გახდება ცნობილი.
არჩევნებში ერთმანეთს 3 ძირითადი პოლიტიკური ბლოკი უპირისპირდება: ულტრამემარჯვენე "ეროვნული გაერთიანება", პრეზიდენტ ემანუელ მაკრონის "ცენტრისტული ალიანსი" და "ახალი სახალხო ფრონტის კოალიცია".
შეგახსენებთ, საფრანგეთის პრეზიდენტმა, ემანუელ მაკრონმა ვადამდელი საპარლამენტო არჩევნები მას შემდეგ დანიშნა, რაც ევროპარლამენტის არჩევნებში მისი "ცენტრისტული ალიანსი" "ეროვნულ გაერთიანებასთან" დამარცხდა.
ავტორი: ექსპრესნიუსი,
epn.ge (@expressnews.ge)
