2024-06-24 20:32:35, 372 ნახვა
მსოფლიო
რუსეთში სამეცნიერო-კვლევითი ინსტიტუტის შენობას ცეცხლი გაუჩნდა - არის მსხვერპლი
რუსეთის ქალაქ ფრიაზინოში კვლევითი ინსტიტუტის "პლატანის" შენობას ცეცხლი გაუჩნდა, გავრცელებული ინფორმაციით, მომხდარის შედეგად სულ მცირე 8 ადამიანია დაღუპული. აღნიშნულ ინფორმაციას რუსული მედია ავრცელებს.
რუსეთის საგანგებო სიტუაციების სამინისტროს ცნობით , ხანძარი 5-8 სართულს შეეხო და მას სირთულის მესამე ხარისხი მიენიჭა. მაღალი ტემპერატურისა და ხშირი კვამლის გამო კი, ხანძრის ლოკალიზება დიდი ხნის განმავლობაში ვერ მოხერხდა.
ხანძრის ჩაქრობაში 100-ზე მეტი მეხანძრე და 40 ტექნიკა, მათ შორის ორი სახანძრო ვერტმფრენი იყო ჩართული.
ავტორი: ექსპრესნიუსი,
epn.ge (@expressnews.ge)
