2024-06-15 16:41:59, 465 ნახვა

---

შვედეთის შეიარაღებული ძალები - რუსულმა სამხედრო თვითმფრინავმა შვედეთის საჰაერო სივრცე დაარღვია

რუსულმა სამხედრო თვითმფრინავმა შვედეთის კუნძულ გოთლანდის აღმოსავლეთით, საჰაერო სივრცე დაარღვია. ამის შესახებ ინფორმაციას Reuters-ი შვედეთის შეიარაღებულ ძალებზე დაყრდნობით ავრცელებს. 

შვედეთის შეიარაღებული ძალების განცხადებით, რუსული თვითმფრინავის, SU-24-ის შესაჩერებლად Gripen-ის თვითმფრინავები გაიგზავნა, ვინაიდან დამრღვევმა რადიო-გაფრთხილებას არ უპასუხა.

"ინციდენტი შვედეთის ტერიტორიული მთლიანობისადმი უპატივცემულობის გამოვლინებაა", - განაცხადა საჰაერო ძალების უფროსმა, იონას ვიკმანმა. 

შვედეთის საგარეო საქმეთა მინისტრმა, ტობიას ბილსტრომმა საჰაერო სივრცის დარღვევას "მიუღებელი" უწოდა და თქვა, რომ ოფიციალური სტოკჰოლმი რუსეთის საელჩოს ოფიციალურ პირებს საგარეოში დაიბარებს.

შვედეთის სამხედროებმა განაცხადეს, რომ მსგავსი დარღვევები რუსული თვითმფრინავების მიერ ბოლოს მოხდა 2022 წელს, როდესაც ორმა SU-27-მა და ორმა SU-24-მა თვითმფრინავებმა ასევე დაარღვიეს მათი საჰაერო სივრცე გოთლანდის მახლობლად.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი