ევროკავშირის მხრიდან საქართველოსთვის წარმოდგენილი ცხრაპუნქტიანი გეგმა რამდენიმე დღეში ზედმიწევნით იქნება შესრულებული,- ამის შესახებ თბილისის მერმა, კახა კალაძემ განაცხადა.

დედაქალაქის მერი იმედს გამოთქვამს, რომ ევროკავშირთან მოლაპარაკებები გაიხსნება და "ისეთივე ფაქტი არ მოხდება, როგორც ეს კანდიდატი ქვეყნის სტატუსის მინიჭებასთან დაკავშირებით მოხდა". 

„მოლაპარაკებების ნაწილი გაწერილია ევროკავშირთან ასოცირების ხელშეკრულებით. ქვეყანას წარდგენილი აქვს ცხრაპუნქტიანი სამოქმედო გეგმა, რომელიც რამდენიმე დღეში სრულად იქნება შესრულებული. რა თქმა უნდა, ხელისუფლების მხრიდან ყველაფერი გაკეთდება იმისთვის, რომ მოლაპარაკებები გაიხსნას. ჩვენ ყველა ქვეყანაზე - უკრაინა, მოლდოვა, გაცილებით წინ ვართ ყველანაირი სტატისტიკითა და მაჩვენებლით. ძალიან დიდი იმედი მაქვს, რომ მოლაპარაკებები გაიხსნება და ეს ფაქტიც არ იქნება გამოყენებული ისე, როგორც კანდიდატის სტატუსთან დაკავშირებით მოხდა - მიდიოდა ქვეყნის შანტაჟი, რაც ძალიან მძიმე იყო. იმედი მაქვს, რომ მსგავსი დამოკიდებულება არ იქნება“,- განაცხადა კალაძემ. 

მისივე თქმით, ყველა წარმატება, რომელსაც ქვეყანამ ევროინტეგრაციის გზაზე მიაღწია, 2012 წლის შემდგომ პერიოდს უკავშირდება. 

„საქართველოს ხელისუფლება ყველაფერს აკეთებს, რომ შემდგომი ნაბიჯები გადაიდგას. ბევრჯერ მითქვამს და კიდევ ერთხელ გავიმეორებ: თუ რამე წარმატებას მიაღწია ქვეყანამ ევროინტეგრაციის გზაზე, ეს არის „ქართული ოცნება - დემოკრატიული საქართველოს“ დიდი დამსახურება, ჩვენი ქვეყნის მოსახლეობასთან ერთად. ყველა წარმატება ასოცირდება 2012 წლის შემდგომ პერიოდთან. ის ცხრაპუნქტიანი გეგმა, რომელიც მოლაპარაკებების გახსნისთვის არის წარმოდგენილი, ზედმიწევნით შესრულდება. იმედი მაქვს, რომ არ იქნება ისეთი უსამართლო გადაწყვეტილება მიღებული, როგორც კანდიდატის სტატუსთან დაკავშირებით მოხდა“,- თქვა კალაძემ.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს