2024-06-11 16:22:44, 450 ნახვა

---

AP - აშშ-მა და პოლონეთმა უკრაინის ომის შესახებ კრემლის დეზინფორმაციასთან ბრძოლის ცენტრი გახსნეს

ამერიკის შეერთებულმა შტატებმა და პოლონეთმა უკრაინის ომის შესახებ კრემლის დეზინფორმაციასთან ბრძოლის ცენტრი გახსნეს. ამის შესახებ ინფორმაციას Associated Press (AP) ავრცელებს.

მედიის ცნობით, ცენტრის მისიაა, დაეხმაროს უკრაინას რუსული დეზინფორმაციის წინააღმდეგ ბრძოლაში.

„ინფორმაციულ ომში გამოწვევა მხოლოდ იმის ცოდნა არ არის, თუ რას აკეთებენ რუსები, არამედ იმის გარკვევა, თუ რა არის საუკეთესო გზები მის წინააღმდეგ საბრძოლველად“,- განაცხადა ამერიკელმა დიპლომატმა, ჯეიმს რუბინმა ჟურნალისტებთან საუბრისას.

როგორც მედია აღნიშნავს, ამ ქვეყნების საერთო მიზანი იმ დეზინფორმაციული კამპანიების აღმოჩენა და გაუქმება იქნება, რომლებიც მიზნად უკრაინის მხარდაჭერის შესუსტებას ისახავს.

„ჯგუფში, რომელმაც მუშაობა დღეს, 11 ივნისს დაიწყო, 12 ქვეყნის წარმომადგენლები შედიან, მათ შორის, კანადა, საფრანგეთი, გერმანია, ფინეთი, იტალია და ნატოს რამდენიმე სხვა წევრი და უკრაინა“, - წერს მედია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი