2024-06-04 10:25:08, 454 ნახვა
პოლიტიკა
„დაღალე რეჟიმი!“ - 5 ივნისს, პარლამენტთან აქცია გაიმართება
"დაღალე რეჟიმი!" - ამ ლოზუნგით, ხვალ, 5 ივნისს საქართველოს პარლამენტის სასახლესთან აქცია გაიმართება. ამის შესახებ ინფორმაციას ახალგაზრდული მოძრაობა "დაფიონი" სოციალურ ქსელში ავრცელებს.
"დაფიონის" ცნობით, აქცია 20:00 საათზეა დაგეგმილი.
"ჩვენ გადამწყვეტ ბრძოლაში ვართ ჩართულები დემოკრატიისა და თავისუფლებისათვის. ჩვენი რიცხობრივი უპირატესობით, თუ ხშირი და მცირე აქციებით დავღლით მოწინააღმდეგეს, მისი სისტემა შიგნიდან ნგრევას დაიწყებს. საჭიროა ადგილი, სადაც "ოცნება" აუცილებლად თავის რესურსს გამოიტანს. გელოდებით პარლამენტის წინ!" - ნათქვამია "დაფიონის განცხადებაში.
ავტორი: ექსპრესნიუსი,
epn.ge (@expressnews.ge)
