2024-05-22 09:40:36, 426 ნახვა

---

კამერონი - „ჰამასის“ ხელმძღვანელობისა და ისრაელის დემოკრატიულად არჩეული ლიდერის მორალური გათანაბრება არასწორია

არასწორია "ჰამასის" ხელმძღვანელობისა და ისრაელის დემოკრატიულად არჩეული ლიდერის მორალური გათანაბრება,- ასე ეხმაურება დიდი ბრიტანეთის საგარეო საქმეთა მინისტრი დევიდ კამერონი სისხლის სამართლის საერთაშორისო სასამართლოს (ICC) პროკურორის, კარიმ ხანის მიერ ისრაელის პრემიერ-მინისტრ ბენიამინ ნეთანიაჰუს, თავდაცვის მინისტრ იოავ გალანტისა და "ჰამასის" ლიდერების დაკავების ორდერის გაცემის მოთხოვნას.

როგორც კამერონმა ლორდთა პალატას განუცხადა, ორდერების გაცემა მძევლების გათავისუფლებას ხელს ვერ შეუწყობს.

"ერთი წუთითაც არ მჯერა, რომ ამ ორდერების გაცემა ხელს შეუწყობს მძევლების დაბრუნებას. ის არ შეუწყობს ხელს ჰუმანიტარული დახმარების მიღებას და მდგრად ცეცხლის შეწყვეტას",- ამბობს კამერონი.

შეგახსენებთ, სისხლის სამართლის საერთაშორისო სასამართლოს პროკურორმა, კარიმ ხანმა ისრაელის პრემიერ-მინისტრ ბენიამინ ნეთანიაჰუს, თავდაცვის მინისტრ იოავ გალანტისა და "ჰამასის" ლიდერების დაკავების ორდერის გაცემა 20 მაისს მოითხოვა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი