2024-05-16 13:53:16, 460 ნახვა

---

სამხარაძე - ეროვნული უსაფრთხოება გამოწვევების წინაშეა - გვინდა ვიცოდეთ, არასამთავრობოები, რომელთაც სურთ, გადაწყვეტილების მიღების ნაწილი იყვნენ, საიდან ფინანსდებიან

საქართველოში რეგისტრირებულია 25 000 არასამთავრობო ორგანიზაცია და ამ არასამთავრობო ორგანიზაციების დაფინანსების 95 პროცენტი საზღვარგარეთიდან მოდის. სამწუხაროდ, საკანონმდებლო თვალსაზრისით, აქ დიდი ჩავარდნას აქვს ადგილი, რაც არასამთავრობო ორგანიზაციებს არ ავალდებულებს, რომ ეს დაფინანსება და მათი დახარჯვის მონაცემები საჯარო გახადონ,- ამის შესახებ პარლამენტის საგარეო საქმეთა კომიტეტის თავმჯდომარემ, ნიკოლოზ სამხარაძემ BBC-სთან ინტერვიუში განაცხადა.

სამხარაძის განცხადებით, საქართველოს ეროვნული უსაფრთხოება დგას ფუნდამენტური გამოწვევების წინაშე.

„ქვეყანა ნაწილობრივ ოკუპირებულია, როგორც იცით, 20 პროცენტი ჩვენი ქვეყნის ტერიტორიის ოკუპირებულია რუსეთის ფედერაციის მიერ; საქართველოს გარშემო მძვინვარებს კონფლიქტები და ომები. ამიტომ, ჩვენ გვინდა, ვიცოდეთ, არასამთავრობო ორგანიზაციები, რომლებსაც სურთ, რომ პოლიტიკაში გადაწყვეტილების მიღების პროცესის ნაწილი იყვნენ, საიდან, რომელი ქვეყნებიდან ფინანსდებიან და რა პროექტებზე და რა მიზნებით ხარჯავენ ამ ფულს“,- განაცხადა ნიკოლოზ სამხარაძემ.

კითხვაზე, კონკრეტულად ქვეყანაზე გავლენის მოხდენის რა მაგალითები არსებობს არასამთავრობოების მხრიდან, სამხარაძემ ერთ-ერთი ჰიდროელექტროსადგურის საწინააღმდეგოდ გამართული აქციები დაასახელა და აღნიშნა, რომ პროტესტის შედეგად ინვესტორმა პროექტი მიატოვა და საქართველომ დაკარგა ელექტროენერგიის გამომუშავების პოტენციალი.

„ამას წინათ ადგილი ჰქონდა ერთ პროტესტს, რომელიც ორგანიზებული იყო არასამთავრობო ორგანიზაციის მიერ და რომელიც მიმართული იყო საქართველოში ჰიდროელექტრო სადგურის მშენებლობის წინააღმდეგ, რაც გააძლიერებდა საქართველოს ენერგოდამოუკიდებლობას. გაიმართა ძალიან დრამატული საპროტესტო აქციები და საბოლოოდ, პროექტი მიტოვებული იქნა ინვესტორის მიერ და ჰიდროელექტროსადგური არ იქნა აშენებული, რის შედეგადაც ჩვენ დავკარგეთ პოტენციალი ელექტროენერგიის გამომუშავებისა, რასაც უნდა შეედგინა ამჟამად ჩვენ მიერ გამომუშავებული ენერგიის 15 პროცენტი, რაც ამის ერთ-ერთი მაგალითია“,- აღნიშნა სამხარაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი