"ევროპის სახალხო პარტია" (EPP) საქართველოში მიმდინარე მოვლენებს ეხმაურება.

EPP განცხადებას სოციალურ ქსელ X-ზე ავრცელებს.

"დროა, დავასანქციროთ ბიძინა ივანიშვილი და ყველა, ვინც მას ქართული დემოკრატიის განადგურებაში ეხმარება. ამ ბრძოლაში ქართველების მომავალ თაობას მარტო ვერ დავტოვებთ",- აღნიშნულია განცხადებაში.

პარტია "უცხოური გავლენის გამჭვირვალობის შესახებ" კანონპროექტის საწინააღმდეგო აქციაზე "ერთიანი ნაციონალური მოძრაობის" თავმჯდომარის, ლევან ხაბეიშვილის ცემის ფაქტსაც ეხმაურება.

"შეძრწუნებულები ვართ უცხოური აგენტების შესახებ კანონის წინააღმდეგ მშვიდობიანი დემონსტრანტების წინააღმდეგ თბილისში განხორციელებული სასტიკი ძალადობით. მკაცრად ვგმობთ სპეცრაზმის მიერ "ერთიანი ნაციონალური მოძრობის" თავმჯდომარის, ლევან ხაბეიშვილის ცემის ფაქტს. ქართველი ხალხი იმსახურებს დემოკრატიასა და ევროპას!"- ნათქვამია განცხადებაში.

ავტორი: ექსპრესნიუსი,

სოციალური ქსელები

ALDE-ს რეზოლუცია „ოცნების“ წევრების წინააღმდეგ პერსონალურ სანქციებს მოითხოვს

სვეტიცხოვლის საკათედრო ტაძრის რეაბილიტაცია 5 მილიონი ლარი დაჯდება

სტრასბურგმა მიშა მშვილდაძეზე თავდასხმის საქმის განხილვა დაიწყო

The Telegraph: აშშ პოლონეთს რუსეთის მხრიდან პროვოკაციულ თავდასხმაზე აფრთხილებს