გონჩარენკო - ივანიშვილმა ნიღაბი მოიხსნა და ის „ქართული ოცნება“ კი არა, კრემლის ოცნებაა

2024-04-30 10:17:03, 416 ნახვა

პოლიტიკა

უკრაინის რადას დეპუტატი ოლექსი გონჩარენკო "ქართული ოცნების" მიერ გამართულ "საყოველთაო-სახალხო შეკრებას" სოციალურ ქსელში ეხმაურება.

როგორც დეპუტატი აღნიშნავს, "დღეს ივანიშვილმა ნიღაბი მოიხსნა. მას აღარ აქვს პრეტენზია, თავი მოაჩვენოს "ქართულ ოცნებად", ის კრემლის ოცნებაა, რომ საქართველო იყოს ბელარუსია“.

გონჩარენკო ასევე წერს, რომ „დაგვიანებულია, მაგრამ მხოლოდ ქართველ საზოგადოებას და სანქციებს შეუძლიათ ამ ყველაფრის შეჩერება".

„მხოლოდ ქართულ საზოგადოებას შეუძლია ამის შეჩერება. ევროკავშირმა და შეერთებულმა შტატებმა დაუყოვნებლივ უნდა დაუწესონ სანქციები მას და მის გარემოცვას. გვიანია, მაგრამ მაინც“, - წერს რადას დეპუტატი.

შეგახსენებთ, 29 აპრილს "ქართული ოცნების" ორგანიზებით, "საყოველთაო-სახალხო შეკრება" გაიმართა. იქ მისულ ხალხს სიტყვით მიმართეს პოლიტიკურმა ლიდერებმა, მათ შორის "ქართული ოცნების“ საპატიო თავმჯდომარემ, ბიძინა ივანიშვილმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,