Mapchecking.com-ის მიხედვით,  მმართველი  პარტია "ქართული ოცნების" მხარდამჭერ აქციაზე  112 ათასზე მეტი ადამიანი იმყოფებოდა. "ექსპრესნიუსის" კორესპონდენტების ცნობით ასევე სხვა მედიასაშუალებების მიერ გავრცელებული კადრებით, დემონსტრაციის მონაწილეები ფარავდნენ, რუსთაველის გამზირზე, თეატრისა და კინოს უნივერსიტეტის შენობას, ვიდრე თავისუფლების მოედნამდე.

აღნიშნული ტერიტორია, მიახლოებით 28148 კვადრატულ მეტრს შეადგენს. დღევანდელ აქციაზე 112500 ადამიანი იქნებოდა იმ შემთხვევაში, თუ კვადრატულ მეტრზე 4 დემონსტრანტი იდგებოდა.
საზოგადოებრივი მაუწყებლის ასევე, ტელეკომპანია "რუსთავი ორის" ჰაერიდან გადაღებულ კადრებში ჩანს, რომ აქციის მონაწილეები, იკავებენ ტერიტორიას, თეატრისა და კინოს სახელმწიფო უნივერსიტეტის შენობიდან, ხალხის მასიურად განლაგება, გხვდება პირველი საჯარო სკოლიდან მეტრო თავისუფლებამდე. აქ შესაძლოა გამოყენებული იქნას, ერთ კვადრატულ მეტრზე 4 ადამიანი. 

Mapchecking მეთოდს მსოფლიო წამყვანი მედიასაშუალებები იყენებენ. მეთოდი გულისხმობს აკურატულად გამოთვლას იმ ტერიტორიის ფართობისა, რომელზეც კონკრეტული აქციის მონაწილეები არიან განლაგებულნი. მიღებული ფართობი შეიძლება გამრავლდეს სამზე, ღონისძიების განსაკუთრებული სიმჭიდროვის შემთხვევაში კი — ოთხზე ან 4,5 - ზე. ტერიტორიის ფართობი მრავლდება 3-ზე, 3.5-სა და 4 ან 4,5-ზე.

აქციის ცენტრში ყოველთვის ბევრად დიდია სიმჭიდროვე, ვიდრე პერიფერიებში.  გაანგარიშებაში არ შედის რუსთაველის მიმდებარე შიდა ქუჩები, სადაც რეპორტიორების დაკვირვებით ასევე იმყოფებოდნენ და მოძრაობდნენ მომიტინგეები.

ცნობილი ამერიკელი ჟურნალისტის პროფესორ, ჰერბერტ ჯეიკობს გამოთვლის მეთოდით დაბალი სიმჭიდროვის პირობებში 1 ადამიანი 1 კვადრატულ მეტრს იკავებს. საშუალო სიმჭიდროვისას, 1 კვადრატულ მეტრზე 2.5 ადამიანია, ანუ 5 ადამიანს 2 კვადრატული მეტრი სჭირდება.
მჭიდრო აქციის პირობებში კვადრატულ მეტრზე 4.5 ადამიანი ეტევა, ანუ 9 ადამიანი ორ კვადრატულზე.
აქციის სიმჭიდროვედან გამომდინარე ჩვენ ავიღეთ კვადრატულ მეტრზე 4,.5 ადამიანი ანუ 9 ადამიანი ორ კვადრატულზე. 

28 ათასი კვადრატული მეტრი გავყავით ორზე, მიღებული ციფრია 14 ათასი , შემდეგ კი 9 გავამრავლეთ 14 ათასზე. და მივიღეთ 126  ათასი აქციის მონაწილე.

საერთაშორისო მედიაში ჯეიკობსის ფორმულის გამოყენება მიღებული პრაქტიკაა.

ქუჩაში, მრავალათასიან აქციებზე დამსწრეთა ზუსტი რაოდენობის დათვლა შეუძლებელია, მაგრამ არსებობს მეთოდები, რომლითაც შეგვიძლია, მიახლოებითი რაოდენობა გამოვთვალოთ.

ავტორი: ექსპრესნიუსი,

სოციალური ქსელები

გვარამია- პირველად ისტორიაში, ევროკავშირთან ბევრად ახლოს და რუსეთისგან ბევრად შორს არიან სომხები

უვიზო მიმოსვლის შეჩერებაზე ოცნება იქნება პასუხისმგებელი - ევროპარლამენტის ანგარიშის პროექტი

პირველმა არხმა ფეხბურთში 2026 წლის მსოფლიო ჩემპიონატის ჩვენების ლიცენზია დაკარგა

საქართველოში შემაშფოთებელი ტენდენციებია - მედიის თავისუფლების კოალიციის 16 წევრი ქვეყანა