2024-04-20 12:03:00, 603 ნახვა
ომი უკრაინაში
უკრაინის საჰაერო ძალები - 7 რუსული რაკეტიდან 2 ღამით გავანადგურეთ
20 აპრილის ღამეს რუსები თავს დაესხნენ უკრაინას ბალისტიკური და მართვადი საჰაერო რაკეტებით, რომელთაგან ორი ჩამოაგდეს. ამის შესახებ ინფორმაციას უკრაინის საჰაერო ძალები ავრცელებს.
საჰაერო ძალების ცნობით, რუსებმა გაუშვეს 3 ბალისტიკური რაკეტა "ისკანდერ-მ", 2 S-300/S-400 საჰაერო მართვადი რაკეტა ბელგოროდის რეგიონიდან, ასევე ორი Kh-59/Kh-69 მართვადი საჰაერო რაკეტა შავი ზღვიდან.
მათივე ინფორმაციით, უკრაინის საჰაერო ძალებმა გაანადგურეს 2 Kh-59/Kh-69 მართვადი საჰაერო რაკეტა. ასევე, სამხრეთის მიმართულებით განადგურდა 3 სადაზვერვო უპილოტო საფრენი აპარატი - 2 „ორლან-10“ და ერთი „სუპერკამერა“.
ავტორი: ექსპრესნიუსი,
epn.ge (@expressnews.ge)
