2024-04-05 16:16:49, 420 ნახვა

---

ისრაელის ომის კაბინეტმა ღაზას სექტორში ჰუმანიტარული ვითარების გაუმჯობესებისთვის დაუყოვნებლივი ზომების მიღება დაამტკიცა

აშშ-ის პრეზიდენტ ჯო ბაიდენისა და ისრაელის პრემიერ-მინისტრ ბენიამინ ნეთანიაჰუს სატელეფონო საუბრის შემდეგ, ისრაელის ომის კაბინეტმა ღაზას სექტორში ჰუმანიტარული სიტუაციის გაუმჯობესებისთვის დაუყოვნებლივი ზომების მიღება დაამტკიცა. ამის შესახებ განცხადება ისრაელის პრემიერ-მინისტრის ოფისმა გაავრცელა.

თეთრი სახლის ცნობით, ჯო ბაიდენმა ისრაელს განუმარტა, რომ აუცილებელია, კონკრეტული ნაბიჯების გადადგმა მშვიდობიანი მოსახლეობის ზიანის, ჰუმანიტარული ტანჯვისა და დამხმარე მუშაკების უსაფრთხოების უზრუნველსაყოფად.

„ისრაელი საშუალებას მისცემს ღაზას სექტორში ჰუმანიტარული დახმარების დროებით მიწოდებას აშდოდისა და ერეზის გადასასვლელებით, იორდანიის დახმარების გაზრდას კერემ-შალომის გადასასვლელით“, - ნათქვამია ისრაელის პრემიერ-მინისტრის ოფისის განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი