2024-03-21 14:59:47, 547 ნახვა

---

პრემიერი - ჩვენ საკონსტიტუციო უმრავლესობას ვიღებთ - ოპოზიცია ორიენტირებულია არჩევნების დელეგიტიმაციის მცდელობაზე

ჩვენ, დღევანდელი მონაცემებით, ვიღებთ საკონსტიტუციო უმრავლესობას პარლამენტში. ასეთ პირობებში, ოპოზიცია თავიდან ბოლომდე ორიენტირებულია ერთადერთ რამეზე - არჩევნების დელეგიტიმაციის მცდელობაზე,- ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.

მთავრობის მეთაურის თქმით, „ამას უკავშირდება ის კამპანიები, რომელიც წარმოებს ცესკოს წინააღმდეგ".

„გასაგებია, რისთვისაც ემზადება ოპოზიცია - იციან მათ, რომ აგებენ არჩევნებს, თან ძალიან მძიმედ აგებენ. ჩვენ, დღევანდელი მონაცემებით, ვიღებთ საკონსტიტუციო უმრავლესობას პარლამენტში. ასეთ პირობებში, ოპოზიცია თავიდან ბოლომდე ორიენტირებულია ერთადერთ რამეზე - არჩევნების დელეგიტიმაციის მცდელობაზე და ამას უკავშირდება, ბუნებრივია, ის კამპანიები, რომელიც წარმოებს ცესკოს წინააღმდეგ. აბსოლუტურად უსუსურია ეს კამპანიები, შესაბამისად, წარმატების შანსი არ აქვს",- თქვა კობახიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი