2024-03-16 15:31:46, 589 ნახვა
მსოფლიო
ვალტონენი - დასავლურმა ქვეყნებმა, მათ შორის, აშშ-მა არ უნდა გამორიცხონ უკრაინაში ჯარების გაგზავნის იდეა, თუ იქ ვითარება გაუარესდება
დასავლურმა ქვეყნებმა, მათ შორის, აშშ-მა მთლიანად არ უნდა გამორიცხონ უკრაინაში ჯარების გაგზავნის იდეა, თუ იქ ვითარება გაუარესდება, - ამის შესახებ ფინეთის საგარეო საქმეთა მინისტრმა, ელინა ვალტონენმა განაცხადა.
ვალტონენმა აღნიშნული განცხადებას მას შემდეგ გააკეთა, რაც საფრანგეთის პრეზიდენტმა, ემანუელ მაკრონმა უკრაინაში ძალების გაგზავნის შესაძლებლობა არ გამორიცხა.
„მნიშვნელოვანი, რომ ჩვენ არ გამოვრიცხოთ ყველაფერი გრძელვადიან პერსპექტივაში, რადგან არასდროს ვიცით, რამდენად სერიოზული გახდება სიტუაცია. თუმცა ფინეთის პოზიცია მკაფიოა, ჩვენ არ ვაგზავნით ახლა არანაირ ძალებს და არ გვსურს ამის განხილვა“, - განაცხადა ფინეთის საგარეო უწყების ხელმძღვანელმა.
ავტორი: ექსპრესნიუსი,
epn.ge (@expressnews.ge)
