ამერიკის შეერთებული შტატების ელჩი საქართველოში რობინ დანიგანი საქართველოს ერთ-ერთ უძველეს და უნიკალურ ბორჯომ-ხარაგაულის ეროვნულ პარკს ესტუმრა და საქართველოს დაცული ტერიტორიების მართვის სპეციფიკას და რეინჯერთა საქმიანობას გაეცნო. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. 

უწყების ცნობით, საუბარი გარემოს დაცვის და დაცული ტერიტორიების მიმართულებით საქართველოსა და ამერიკის შეერთებულ შტატებს შორის არსებულ წარმატებულ და მჭიდრო თანამშრომლობის საკითხებს შეეხო. 

,,ელჩს გარემოს დაცვის და სოფლის მეურნეობის მინისტრის პირველმა მოადგილე ნინო თანდილაშვილმა უმასპინძლა. 

მხარეებმა სამომავლო ინიციატივებზე, მათ შორის, საუკეთესო საერთაშორისო გამოცდილების გაზიარების საკითხებზე იმსჯელეს.

აღსანიშნავია, რომ გარემოს დაცვის და სოფლის მეურნეობის სამინისტრო და დაცული ტერიტორიების სააგენტო ამერიკის შეერთებულ შტატებთან მრავალი წელია წარმატებით თანამშრომლობს არაერთი მიმართულებით. ამერიკის საერთაშორისო განვითარების სააგენტოს (USAID)  მხარდაჭერით, საფუძველი ჩაეყარა პროექტებს როგორც უნიკალური ბიომრავალფეროვნების კონსერვაციის, ასევე, ეკოტურიზმის  განვითარებისა და  დაცული ტერიტორიების სისტემის ინსტიტუციური გაძლიერების მიმართულებებით.

გარდა ამისა, დაცული ტერიტორიების სააგენტო აქტიურად თანამშრომლობს ამერიკის შეერთებული შტატების სატყეო სამსახურთან (US Forest Service), რომელიც მნიშვნელოვან მხარდაჭერას უწევს დაცულ ტერიტორიებს ბიომრავალფეროვნების კონსერვაციის თვალსაზრისით. ხაზგასასმელია ხანძრის მართვის სისტემის გაძლიერების მიმართულებით თანამშრომლობა, განსაკუთრებით ბორჯომ-ხარაგაულის პარკში, რომელიც  ერთ-ერთ ყველაზე ხანძარსაშიშ ტერიტორიას წარმოადგენს. ამერიკის სატყეო სამსახურის დახმარებით, შემუშავდა ბორჯომ-ხარაგაულის ეროვნული პარკის ხანძრების მართვის გეგმის სამუშაო ვერსია, რომელიც წარმოადგენს სახელმძღვანელო დოკუმენტს ბორჯომ-ხარაგაულის ეროვნული პარკისა და დაცული ტერიტორიების სააგენტოს მიერ ხანძრების მართვის ღონისძიებების განსახორციელებლად“, - ნათქვამია უწყების ინფორმაციაში.

ავტორი: NS (სტატია დაფინანსებულია),

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს