2024-03-04 13:55:59, 1327 ნახვა
ომი უკრაინაში
ზელენსკი: თებერვლის დასაწყისიდან რუსეთმა 15 საბრძოლო თვითმფრინავი დაკარგა
თებერვლის დასაწყისიდან რუსეთმა 15 სამხედრო თვითმფრინავი დაკარგა - ამის შესახებ, უკრაინის პრეზიდენტმა ვოლოდიმერ ზელენსკიმ ვიდეომიმართვაში განაცხადა.
„მხოლოდ ამ კვირაში მოვახერხეთ შვიდი რუსული სამხედრო თვითმფრინავის ჩამოგდება. სწორედ ისინი ყრიან ბომბებს და კლავენ უკრაინელებს. თებერვლის დასაწყისიდან რუსეთმა 15 სამხედრო თვითმფრინავი დაკარგა. ეს არის მათი დანაკარგების სწორი დინამიკა“, - განაცხადა ზელენსკიმ.
თებერვლის ბოლოს უკრაინის შეიარაღებულმა ძალებმა გაავრცელეს ინფორმაცია, რომ თვის დასაწყისიდან მხოლოდ ორ კვირაში ჩამოაგდეს 13 რუსული საბრძოლო თვითმფრინავი, რაც ბევრად მეტია, ვიდრე ომის წინა თვეებში.
რუსული მხარე ამ ციფრებს არ ადასტურებს და ომის პირობებში BBC დამოუკიდებლად ვერ ადასტურებს მეომარი მხარეების მსგავს ინფორმაციას.
ავტორი: ექსპრესნიუსი,