2024-02-16 16:50:00, 884 ნახვა

---

ზელენსკი ნავალნიზე - ცალსახაა, ის პუტინმა მოკლა - მისთვის სულ ერთია, ვინ დაიღუპება, მთავარია თავისი პოზიცია შეინარჩუნოს

ახლახან გახდა ცნობილი, რომ რუსეთის ციხეში დაიღუპა ალექსეი ნავალნი. ცალსახაა, ის მოკლა პუტინმა, როგორც ათასობით სხვა, ვინც ამ ერთი არსების გამო აწამეს, - ამის შესახებ უკრაინის პრეზიდენტმა, ვოლიდიმირ ზელენსკიმ განაცხადა.

ზელენსკის თქმით, "პუტინისთვის სულ ერთია, ვინ დაიღუპება, მთავარია, მხოლოდ თავისი პოზიცია შეინარჩუნოს".

"ახლახან გახდა ცნობილი, რომ რუსეთის ციხეში დაიღუპა ალექსეი ნავალნი. ცალსახაა, ის მოკლა პუტინმა, როგორც ათასობით სხვა, ვინც ამ ერთი არსების გამო აწამეს. პუტინისთვის სულ ერთია, ვინ დაიღუპება, მთავარია, მხოლოდ თავისი პოზიცია შეინარჩუნოს. სწორედ ამიტომ, არ უნდა შეინარჩუნოს არაფერი. პუტინმა ყველაფერში უნდა წააგოს, ყველაფერი უნდა დაკარგოს და პასუხი აგოს ჩედენილზე", - განაცხადა ზელენსკიმ.

შეგახსენებთ, რომ ცოტა ხნის წინ რუსეთის სასჯელაღსრულების ფედერალურმა სამსახურმა რუსი ოპოზიციონერის, ალექსეი ნავალნის გარდაცვალების შესახებ ინფორმაცია გაავრცელა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი