2024-02-16 16:11:40, 749 ნახვა
საზოგადოება
გლდანის რაიონში სპორტული მოედნების რეაბილიტაცია მიმდინარეობს
ჯანსაღი ცხოვრების ხელშეწყობის მიზნით გლდანის რაიონის გამგეობა სპორტული სივრცეების მოწყობა-რეაბილიტაციას განაგრძობს. აღნიშნულის შესახებ ინფორმაციას თბილისის მერიის გლდანის რაიონის გამგეობა ავრცელებს.
მათი ცნობით, ამ ეტაპზე სამუშაოები სამ მისამართზე მიმდინარეობს, მათ შორის, ავჭალის ქუჩა N5-ში, შალვა აფხაიძის შესახვევი N15-სა და ზაჰესში, თავისუფლების ქუჩა N13 ა კორპუსებთან არსებულ სტადიონებზე.
"სამუშაოების შედეგად დაზიანებული ინვენტარი სრულად განახლდება. ჯამში, სამივე მოედნის რეაბილიტაციისთვის 138 805 ლარი დაიხარჯება", - აღნიშნულია ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
