2024-02-16 13:33:14, 760 ნახვა
მსოფლიო
ვოლოდიმირ ზელენსკი გერმანიაში, მიუნხენის უსაფრთხოების კონფერენციაზე დასასწრებად ჩავიდა
უკრაინის პრეზიდენტი ვოლოდიმირ ზელენსკი გერმანიაში, მიუნხენის უსაფრთხოების კონფერენციაზე დასასწრებად ჩავიდა. აღნიშნულის შესახებ ინფორმაციას უკრაინული მედია ავრცელებს.
მედიის ცნობით, ვოლოდიმირ ზელენსკი გერმანიის პრეზიდენტს, ფრანკ-ვალტერ შტაინმაიერსა და კანცლერს, ოლაფ შოლცს შეხვდება.
"წინ ორი მნიშვნელოვანი დღე გველოდება. დაგეგმილია შეხვედრები პარტნიორებთან გერმანიასა და საფრანგეთში, ახალი შეთანხმებები და მონაწილეობა მიუნხენის უსაფრთხოების კონფერენციაში.
ჩვენ ყველაფერს ვაკეთებთ იმისთვის, რომ ომი რაც შეიძლება სწრაფად დასრულდეს სამართლიან პირობებში და უზრუნველყოფილი იყოს მშვიდობა", - წერს ზელენსკი Telegram-ზე.
ავტორი: ექსპრესნიუსი,
epn.ge (@expressnews.ge)
