2024-01-13 12:27:05, 693 ნახვა
მსოფლიო
Европейская правда - ვოლოდიმირ ზელენსკი დავოსის მსოფლიო ეკონომიკურ ფორუმზე სიტყვით გამოვა
უკრაინის პრეზიდენტი ვოლოდიმირ ზელენსკი მსოფლიო ეკონომიკურ ფორუმზე სიტყვით გამოვა. აღნიშნულის შესახებ ინფორმაციას Европейская правда ავრცელებს.
მედიის ცნობით, დავოსის მსოფლიო ეკონომიკური ფორუმის ორგანიზატორები ადასტურებენ, რომ 16 იანვარს, უკრაინის პრეზიდენტი პანელურ დისკუსიაზე სიტყვით გამოვა. მასთან ერთად დისკუსიაში მონაწილეობას კი მსოფლიო ეკონომიკური ფორუმის აღმასრულებელი დირექტორი კლაუს შვაბი მიიღებს.
მედიის ცნობითვე, უკრაინის მშვიდობის ფორმულის ფარგლებში, 14 იანვარს, დავოსში ეროვნული უსაფრთხოების მრჩეველთა დონეზე შეხვედრა გაიმართება.
ავტორი: ექსპრესნიუსი,
epn.ge (@expressnews.ge)
