2024-01-12 20:46:55, 634 ნახვა
მსოფლიო
კირბი - „ჰუსიტების“ სამიზნეების წინააღმდეგ დარტყმების მიუხედავად, აშშ-ს ირანთან კონფლიქტი არ სურს
აშშ-ს არ სურს ირანთან კონფლიქტი, მიუხედავად იმისა, რომ იემენში "ჰუსიტების" სამიზნეების წინააღმდეგ დარტყმები განახორციელა, - ამის შესახებ აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.
როგორც კირბი აღნიშნავს, მომხდარის გარდა აშშ-სა და ირანს შორის სიტუაციის ესკალაციის მიზეზი არ არსებობს.
"ჩვენ არ ვეძებთ კონფლიქტს ირანთან. ჩვენ არ ვცდილობთ ესკალაციას და არ არსებობს სიტუაციის ესკალაციის მიზეზი, გარდა იმისა, რაც მოხდა ბოლო დღეებში", - განაცხადა კირბიმ.
ცნობისთვის, ამერიკის შეერთებულმა შტატებმა და დიდმა ბრიტანეთმა იემენში, „ჰუსიტების“ წინააღმდეგ საჰაერო დარტყმები განახორციელეს.
ავტორი: ექსპრესნიუსი,
epn.ge (@expressnews.ge)
