კორუფციის წინააღმდეგ მებრძოლი სამოქალაქო აქტივისტები ამბობენ, რომ პრეზიდენტ ბაიდენის მიერ ხელმოწერილი ახალი საკანონმდებლო აქტი კორუფციის წინააღმდეგ საერთაშორისო ძალისხმევას გააძლიერებს.

აქტით, რომელიც ეროვნული თავდაცვის ავტორიზაციის აქტის ნაწილია, ამერიკას შეეძლება ფედერალური ბრალი წაუყენოს და სისხლის სამართლის კანონმდებლობით გაასამართლოს ის უცხო ქვეყნის მთავრობები ან მათი წევრები, ვინც შესთავაზებს ან მიიღებს ქრთამს ამერიკული კომპანიებისგან.

კანონი, რომელსაც პრეზიდენტმა ხელი დეკემბერში მოაწერა, სამოქალაქო აქტივისტების აზრით, ძალიან მნიშვნელოვანი საშუალება იქნება სხვა რეგულაციების აღსასრულებლადაც და საერთაშორისო მასშტაბის კორუფციის შესაზღუდად.

ამერიკის მთავრობა ხშირად უყენებს ბრალს იმ ამერიკულ კომპანიებს, რომელთაც ქვეყნის ფარგლებს გარეთ კორუფციულ ქმედებებში ადანაშაულებენ. თუმცა ამ დრომდე შეუძლებელი იყო იმ ოფიციალური პირების დასჯა, რომლებიც ან ითხოვენ ან იღებენ ქრთამს.

სამართლის ექსპერტები ამბობენ, რომ როცა საქმე ტრანს-სასაზღვრო კორუფციას ეხება, ყველა პროცესში ორი მხარე მონაწილეობს-"მიმწოდებელი" - კომპანიები და პირები, რომლებიც მზად არიან ქრთამი გადაიხადონ, და "მოთხოვნის" მხარე, რომელსაც უცხო ქვეყნების მთავრობის წარმომადგენლები შეადგენენ და ვინც ითხოვს ან იღებს ქრთამს. ახალი აქტი გამორჩეული და ახალია იმით, რომ ის კონკრეტულად "მოთხოვნის" ნაწილის კრიმინალიზებას ახდენს.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა