2023 წლის პირველ 6 თვეში საქართველოს მთავრობამ მეტამომხმარებელთა პირადი ანგარიშების შესახებ ინფორმაციის 47 მოთხოვნა განხორციელდა, სულ 149 მოთხოვნიდან. „მეტას“ წლიური ანგარიშის მიხედვით, მოთხოვნების უმეტესი ნაწილი განხორციელდა სისხლის სამართლის გამოძიებასთან დაკავშირებით და საქართველოდან მიღებული მოთხოვნების 93,62% დაკმაყოფილდა, რაც ნიშნავს, რომ მეტამ მოთხოვნილი ინფორმაცია საქართველოს ხელისუფლებას მიაწოდა.

საუბარია Facebook, Instagram, Messenger, Oculu და Whatsapp ანგარიშებზე. ყოველი განაცხადის დეტალური სამართლებრივი შესწავლის საფუძველზე, ჰოლდინგი წყვეტს, მიაწოდოს თუ არა ინფორმაცია სრულად, ნაწილობრივ, თუ არა, - ამბობს მეტა.

ანგარიშის მიხედვით, 2023 წლის იანვარ-ივნისში საქართველოს მთავრობის მხრიდან მოთხოვნის რაოდენობა გაიზარდა. 2022 წლის ამავე პერიოდში საქართველოდან მეტას მხოლოდ 27 მოთხოვნა შევიდა, 2022 წლის ივლის-დეკემბერში კი - 28.

საქართველო აბსოლუტური ლიდერია მომხმარებელთა მონაცემების მოთხოვნაში სამხრეთ კავკასიის რეგიონში. მეტამ სომხეთის ხელისუფლებისგან ხუთი მოთხოვნა მიიღო 2022 წლის იანვარ-ივნისში, ხოლო 15 აზერბაიჯანიდან.

გასული წლის პირველ ექვს თვეში მეტამ მიიღო ყველაზე მეტი მოთხოვნა აშშ-დან - 74 ათასამდე (73,956) მოთხოვნა, რაც შეეხო 125 ათასზე მეტი ადამიანის ანგარიშებს. მოთხოვნების 87,84% დაკმაყოფილდა.

ავტორი: ექსპრესნიუსი,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი