დიდ დიღომში გარდაცვლილი 12 წლის ანი იანუშაიტიტეს საქმეზე ოჯახი მტკიცებულებების FBI-ში გაგზავნას ითხოვს.

გოგონას დედა ნატო ხუტაშვილი სამხარაულის ექსპერტიზის ეროვნულ ბიუროს უნდობლობას უცხადებს.

"ჩემს შვილს აქვს მრავლობითი დაზიანება. ჯამში, არის 39 დაზიანება, მათ შორის აქვს სილურჯეები, რომლებიც მიყენებულია თითებით. აუცილებელია, ნივთმტკიცებები გაიგზავნოს FBI-ში, რათა მათ დნმ-ანალიზის მეშვეობით ამოიღონ ბრალდებულის დნმ, ვინაიდან სამხარაულის ექსპერტიზის ეროვნულმა ბიურომ ეს ვერ შეძლო",- განაცხადა დაღუპული 12 წლის გოგონას დედამ "მთავარ არხთან" საუბრისას.

ნატო ხუტაშვილმა სოციალურ ქსელში გამოაქვეყნა სავარაუდო მკვლელის ფოტორობოტიც, რომელიც მისი თქმით, შედგენილია თვითმხილველებზე დაყრდნობით.

შეგახსენებთ, 16 მარტს სოციალურ ქსელებში გავრცელდა ინფორმაცია, რომ დაახლოებით, 23:00 საათისთვის 12 წლის გოგონა დიდ დიღომში, პეტრიწის ქუჩის მიმდებარე ტერიტორიიდან დაიკარგა. ბოლოს ის ამავე ქუჩის მიმდებარედ, სკვერში შენიშნეს, გვიან ღამით კი, სკვერიდან მოშორებით, მიტოვებულ შენობებთან გარდაცვლილი იპოვეს.

შინაგან საქმეთა სამინისტრომ მოზარდის გარდაცვალების საქმეზე გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებებში განზრახ მკვლელობას გულისხმობს.

ავტორი: ექსპრესნიუსი,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება