თბილისის სააპელაციო სასამართლომ, ცოლის მკვლელობისთვის ბრალდებულ როინ მებონიას 20-წლიანი პატიმრობა, რომელიც მას საქალაქო სასამართლომ შეუფარდა, ძალაში დატოვა.

პროკურატურა მებონიასთვის უვადო თავისუფლების აღკვეთას ითხოვდა, თუმცა მეორე ინსტანციამ მოთხოვნა არ დააკმაყოფილა.

თბილისის საქალაქო სასამართლომ მამაკაცს, რომელმაც ცოლი ავტობუსში, მცირეწლოვანი შვილების თვალწინ მოკლა, 20 წლით თავისუფლების აღკვეთა მიმდინარე წლის 17 თებერვალს მიუსაჯა.

ცნობისთვის, შემთხვევა 2022 წლის 21 მაისს, თბილისში, გურამიშვილის გამზირზე მოხდა. მამაკაცმა საზოგადოებრივ ტრანსპორტში, ეჭვიანობის ნიადაგზე მეუღლეს ცივი იარაღით სხეულის სხვადასხვა ადგილზე მრავლობითი დაზიანებები მიაყენა. ქალი ადგილზე გარდაიცვალა. შემთხვევის ადგილზე იმყოფებოდნენ მცირეწლოვანი შვილებიც. 

შინაგან საქმეთა სამინისტრომ ბრალდებული როინ მებონია​ ცხელ კვალზე დააკავა და გამოძიება საქართველოს სისხლის სამართლის კოდექსის 11 პრიმა 109-ე მუხლის მე-2 ნაწილის "ვ" ქვეპუნქტით დაიწყო, რაც ოჯახის წევრის მიმართ დამამძიმებელ გარემოებებში ჩადენილ განზრახ მკვლელობას გულისხმობდა.

ავტორი: ექსპრესნიუსი,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება