2023-12-16 15:15:03, 656 ნახვა
მსოფლიო
რუსული მედია - პუტინი საპრეზიდენტო არჩევნებში მონაწილეობას დამოუკიდებელ კანდიდატად მიიღებს
რუსეთის პრეზიდენტი ვლადიმერ პუტინი საპრეზიდენტო არჩევნებში მონაწილეობას დამოუკიდებელ კანდიდატად მიიღებს, აღნიშნულის შესახებ ინფორმაციას რუსული პროპაგანდისტული მედია „რია ნოვოსტი“ კრემლის მაღალჩინოსნებზე დაყრდნობით ავრცელებს.
როგორც მედიას, პარტია „ერთიანი რუსეთის“ მაღალჩინოსანმა, ანდრეი ტურჩაკმა განუცხადა, პუტინი საპრეზიდენტო არჩევნებში, მიუხედავად იმისა, რომ მას პარტიის სრული მხარდაჭერა აქვს, კენჭს დამოუკიდებელ კანდიდატად იყრის.
ამასთან, პარტია „სამართლიანი რუსეთის“ ლიდერის, სერგეი მირონოვის განცხადებით, პუტინის, როგორც დამოუკიდებელი კანდიდატის მხარდასაჭერად, ხელმოწერების შეგროვება მალე დაიწყება.
შეგახსენებთ, რუსეთში საპრეზიდენტო არჩევნები 2024 წლის 17 მარტს გაიმართება.
ავტორი: ექსპრესნიუსი,
epn.ge (@expressnews.ge)
