2023-12-04 23:12:33, 767 ნახვა

---

პოლონეთი მოითხოვს, რომ EU-მ სატვირთო მანქანების უკრაინელი მძღოლებისთვის ნებართვების მიღების სისტემა აღადგინოს

პოლონეთის პრემიერ-მინისტრი მატეუშ მორავიეცკი უკრაინელი მძღოლებისთვის ნებართვის სისტემის აღდგენასთან დაკავშირებით განცხადებას ავრცელებს.

როგორც მორავიეცკი აღნიშნავს, პოლონეთი მოითხოვს, რომ ევროკავშირმა სატვირთო მანქანების უკრაინელი მძღოლებისთვის ნებართვების სისტემა აღადგინოს.

"ჩვენ მტკიცედ და ცალსახად მოვითხოვთ უკრაინელი მძღოლებისთვის სატრანსპორტო ნებართვების აღდგენას", - განაცხადა მორავეცკიმ.

ცნობისთვის, სატვირთო მანქანების პოლონელმა მძღოლებმა პროტესტი 6 ნოემბერს დაიწყეს და მოითხოვეს, რომ ევროკავშირმა ხელახლა შემოიღოს ნებართვების სისტემა უკრაინელი მძღოლებისთვის, რომლებიც ევროკავშირის ტერიტორიაზე შედიან.

ნებართვების სისტემა გასულ წელს რუსეთის უკრაინაში შეჭრის შემდეგ გაუქმდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი