2023-11-25 16:12:29, 570 ნახვა
პოლიტიკა
ფაშინიანი - ჩვენ საქართველოს ტერიტორიულ მთლიანობას სრულად ვიცავთ
ჩვენ საქართველოს ტერიტორიულ მთლიანობას სრულად ვიცავთ, - ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.
ფაშინიანის თქმით, გაეროში 2019 წლამდე და უკვე შემდეგ გამართულ კენჭისყრაზე დაფიქსირდა თვალსაჩინო და კონკრეტული განსხვავებები, რაზეც საქართველოს წარმომადგენლებმა კმაყოფილება გამოთქვეს.
„ჩვენ სრულად და ცალსახად ვიცავთ საქართველოს ერთიანობას, სუვერენიტეტს, ტერიტორიულ მთლიანობას, დამოუკიდებლობას, დემოკრატიასა და სახელმწიფოებრიობას. გაეროში 2019 წლამდე და უკვე შემდეგ გამართულ კენჭისყრაზე დაფიქსირდა თვალსაჩინო და კონკრეტული განსხვავებები, რასთან დაკავშირებითაც ჩვენი მოძმე სახელმწიფოს, საქართველოს წარმომადგენლებმა კმაყოფილება გამოთქვეს“, - განაცხადა ფაშინიანმა.
ავტორი: ექსპრესნიუსი,
epn.ge (@expressnews.ge)
