Edison Research - დღეს რომ არჩევნები ტარდებოდეს, გამოკითხულთა 37% ხმას „ოცნებას“, 21% კი, ენმ/„სტრატეგია აღმაშენებელს“ მისცემდა

2023-11-10 18:05:45, 1022 ნახვა

პოლიტიკა

საერთაშორისო კვლევითი კომპანია Edison Research-ის საზოგადოებრივი აზრის გამოკითხვის შედეგებით, რომელსაც ტელეკომპანია "ფორმულა" ავრცელებს, კითხვაზე, დღეს რომ საპარლამენტო არჩევნები ტარდებოდეს, რომელ პარტიას მისცემდით ხმას, პასუხები ასე ნაწილდება ალოკაციით, შეწონვის მეთოდით:

"ქართული ოცნება" - 37%; "ნაციონალური მოძრაობა"/"სტრატეგია აღმაშენებელი" - 21%; "საქართველოსთვის"- 9%; "ლელო" - 5%; "გირჩი/დროა" - 4%; "ლეიბორისტული პარტია" - 4%; "ხალხისთვის" - 4%; "გირჩი" (იაგო ხვიჩია) - 4%; "ალტ-ინფო" - 3%; "ხალხის ძალა" - 3%; "მოქალაქეები" - 3%; "პატრიოტთა ალიანსი" - 3%; "ევროპული საქართველო" - 1%; სხვა - 1%.

Edison Research-მა საზოგადოებრივი აზრის გამოკითხვა ტელეკომპანია "ფორმულას" დაკვეთით ჩაატარა.

კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1 000 საარჩევნო უფლების მქონე 18 წლისა და მეტი ასაკის ადამიანი. ცდომილება არის +/- 3%, 95%-იანი სანდოობის დონისთვის. საველე სამუშაოები მიმდინარეობდა 2023 წლის 20 ოქტომბერი 6 ნოემბრის პერიოდში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,