ეკონომიკისა და მდგრადი განვითარების მინისტრის მოადგილე მარიამ ქვრივიშვილი არაბთა გაერთიანებული საამიროების ეკონომიკის მინისტრს, აბდულა ბინ ტუქ ალ მარის შეხვდა. ამის შესახებ ინფორმაციას ეკონომიკის სამინისტრო ავრცელებს.

უწყების ცნობით, შეხვედრა უზბეკეთის ქალაქ სამარყანდში გაეროს მსოფლიო ტურიზმის ორგანიზაციის გენერალური ასამბლეის ფარგლებში გაიმართა. შეხვედრას ასევე დაესწრნენ ტურიზმის ეროვნული ადმინისტრაციის ხელმძღვანელი მაია ომიაძე და სააგენტოს „აწარმოე საქართველოში" დირექტორი მიხეილ ხიდურელი.

უწყების ინფორმაციით, შეხვედრაზე განხილულ იქნა ორმხრივი თანამშრომლობის პრიორიტეტული მიმართულებები ეკონომიკის სხვადასხვა სექტორში. დადებითად შეფასდა საქართველოსა და საამიროებს შორის ეკონომიკური პარტნიორობის შესახებ შეთანხმების გაფორმება, რომელიც სერიოზული საფუძველი და სტიმული იქნება ქვეყნებს შორის როგორც სავაჭრო-ეკონომიკური, ისე საინვესტიციო თანამშრომლობის მიმართულებით.

ასევე, ხაზი გაესვა ურთიერთობის გაღრმავების მნიშვნელობას ინვესტიციების მოზიდვის, ტურისტული ნაკადების ზრდის, სამოქალაქო ავიაციის სექტორში თანამშრომლობის გაღრმავების, პირდაპირი საჰაერო რეისების სტიმულირებისა და სხვა მიმართულებით.

შეხვედრის დასრულების შემდეგ გაკეთებულ კომენტარში, მარიამ ქვრივიშვილმა განაცხადა, რომ საამიროები საქართველოსთვის სტრატეგიული ტურისტული ბაზარია.
„ჩვენ ვხედავთ, რომ საქართველოზე, როგორც ტურისტულ მიმართულებაზე, საამიროებში მოთხოვნა იზრდება. შესაბამისად სახეზეა ტურისტული ნაკადების ზრდა ამ ქვეყნიდან, რომელიც ტრადიციულად მაღალ მხარჯველ უნარიანობით გამოირჩევა. ჩვენ ასევე ვისაუბრეთ პირდაპირი საჰაერო რეისების სტიმულირებაზე. როგორც მოგეხსენებათ, საამიროებიდან საქართველოს სამივე საერთაშორისო აეროპორტის მიმართულებით სამი ავიაკომპანია პირდაპირ ფრენებს კვირაში 40 სიხშირით ახორციელებს, რაც ტურისტული ნაკადების ზრდას განსაკუთრებულად უწყობს ხელს. ასევე ვისაუბრეთ ორმხრივი ვაჭრობისა და ინვესტიციების გაზრდის შესაძლებლობებზე. საამიროების ეკონომიკის მინისტრთან შევთანხმდით, რომ კიდევ უფრო მეტად ვიმუშავებთ ერთმანეთთან, რათა ხელი შევუწყოთ ორივე ქვეყნის კერძო სექტორს, დაამყარონ საქმიანი ურთიერთობები, გაიზარდოს ტურისტული ნაკადები, რაც, საბოლოო ჯამში, ორივე ქვეყნის ეკონომიკურ სიძლიერეს უზრუნველყოფს", - აღნიშნა მინისტრის მოადგილემ.

ავტორი: NS (სტატია დაფინანსებულია),

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო