ჩვენ მონაწილეობას არ მივიღებთ არც განხილვაში, არც დებატებში, არც კენჭისყრაში,- ამის შესახებ "ერთიანი ნაციონალური მოძრაობის" დეპუტატმა, ანა წითლიძემ საქართველოს პრეზიდენტის, სალომე ზურაბიშვილის იმპიჩმენტის პროცესზე საუბრისას განაცხადა.

წითლიძის თქმით, "თუ ვინმე არღვევს ამ ქვეყანაში კონსტიტუციას, არღვევს "ქართული ოცნება", რომელიც საქართველოს მოქალაქეებს უკარგავს შესაძლებლობას, რომ ქვეყანამ კანდიდატის სტატუსი მიიღოს". 

"ჩვენ ჩვენი გაცხადებული პოზიცია გვქონდა ამასთან დაკავშირებით თავიდანვე, როდესაც ჩვენ ვამბობდით, რომ საერთოდ არ ვაპირებთ მონაწილეობის მიღებას. ეს პროცესი, როგორც კი დადგება დღის წესრიგში, დღეს სხვა საკითხებიც არის, გარდა პრეზიდენტის იმპიჩმენტისა და სხვა საკითხებში, ცხადია, დღის წესრიგი რომ დამტკიცდება, ვიქნებით სხდომათა დარბაზში, თუმცა, რეალურად, მაშინ, როდესაც ამ საკითხის განხილვა დაიწყება, ჩვენ მონაწილეობას არ მივიღებთ არც განხილვაში, არც დებატებში, არც კენჭისყრაზე. ჩვენ ჩვენი გაცხადებული პოზიცია რეალურად გვაქვს, რომ არ არსებობს არანაირი მიზეზი იმის, რომ ახლა საქართველოს, როდესაც ჩვენ კანდიდატის სტატუსს ველოდებით, სჭირდებოდეს პრეზიდენტის იმპიჩმენტი. არ არსებობს მიზეზი, სამართლებრივ მიზეზს ვგულისხმობ ამ შემთხვევაში, რის გამოც პრეზიდენტის იმპიჩმენტის საკითხი დაიწყეს. თუ ვინმე არღვევს ამ ქვეყანაში კონსტიტუციას, არღვევს "ქართული ოცნება", რომელიც უკარგავს საქართველოს მოქალაქეებს შესაძლებლობას, რომ ამ ქვეყანამ მიიღოს კანდიდატის სტატუსი...

მეტი რა უნდა მოხდეს საქართველოს პრეზიდენტის თავს, რომ მან გაბედოს და ეს თქვას... მე არ მგონია, სალომე ზურაბიშვილი იმდენად გულუბრყვილო იყოს, ეგონოს, რომ მხოლოდ კობახიძე და მდინარაძე არიან იმპიჩმენტის შემოქმედი და ბიძინა ივანიშვილმა არაფერი არ იცის ამასთან დაკავშირებით.

ამიტომაც არის აუცილებელი, რომ საქართველოს პრეზიდენტმა ილაპარაკოს ღიად იმაზე, ჰგონია თუ არა, რომ ბიძინა ივანიშვილი არის ამ ქვეყნის არაფორმალური მმართველი და ჰგონია, თუ არა, რომ ამ ქვეყნის მთავარი პრობლემა კობახიძე კი არა, ბიძინა ივანიშვილია",- განაცხადა წითლიძემ "მთავარ არხთან" საუბრისას.

შეგახსენებთ, დღეს, 18 ოქტომბერს პარლამენტი პრეზიდენტის იმპიჩმენტის პროცესს იწყებს.

ამასთან, ცოტა ხნის წინ, "სტრატეგია აღმაშენებლის" წარმომადგენელმა, პაატა მანჯგალაძემ განაცხადა, რომ პოლიტიკური პარტია არც კენჭისყრაში და არც დებატებში არ მიიღებს მონაწილეობას.​

ავტორი: ექსპრესნიუსი,

სოციალური ქსელები

აშშ-ის მიერ ირანზე განხორციელებული თავდასხმების შედეგად რამდენიმე ადამიანი დაიჭრა

თურქეთში რამდენიმე საგზაო შემთხვევა მოხდა, რომელთა შედეგადაც დაღუპულები და დაშავებულები არიან

უკრაინის შეიარაღებულმა ძალებმა თათარსტანსა და სარატოვის ასევე ყუბანს და ვორონეჟის შეუტიეს

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.