მხოლოდ და მხოლოდ იმიტომ ებრძვით საქართველოს პრეზიდენტს, რომ ის ცდილობდა კონკრეტული ნაბიჯები გადაედგა ევროინტეგრაციისა და კანდიდატის სტატუსის მიღების გზაზე,- ასე მიმართა ოპოზიციონერმა დეპუტატმა, თამარ კორძაიამ "ქართული ოცნების" წარმომადგენლებს პარლამენტის პლენარულ სხდომაზე.

კორძაიამ სიტყვით გამოსვლისას მმართველი პარტიის დეპუტატებს ასევე უთხრა, რომ  "სრულად უსაფუძვლო არგუმენტებით აფუჭებენ ურთიერთობას საქართველოს მოკავშირე სახელმწიფოსთან, სერბეთთან".

"თქვენ პრეზიდენტის წინააღმდეგ დაიწყეთ პროცესი, სადაც ყველანაირად ადასტურებთ იმას, რომ მხოლოდ და მხოლოდ იმიტომ ებრძვით საქართველოს პრეზიდენტს, რომ ის ცდილობდა კონკრეტული ნაბიჯები გადაედგა ევროინტეგრაციის და კანდიდატის სტატუსის მიღების გზაზე.

თქვენ საქართველოდან გააძევეთ სერბეთის არასამთავრობო ორგანიზაციის წარმომადგენლები და პრაქტიკულად, სრულად უსაფუძვლო არგუმენტებით ურთიერთობას აფუჭებთ ჩვენს მოკავშირე სახელმწიფოსთან. თქვენ დაიწყეთ რეპრესიები სახელოვნებო სფეროში საუკეთესო ტოტალიტარული კომუნისტურ სტილში და ამას აგრძელებთ კონსერვატორიაში. თქვენ შექმენით ხვრელი საქართველოში სანქციების თავის არიდებისთვის და თურნავას მიერ ხელმოწერილი ბრძანება ჯერ კიდევ ძალაშია, რომელიც გასაუქმებელია",- განაცხადა კორძაიამ.

ავტორი: ექსპრესნიუსი,

სოციალური ქსელები

ალასკის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა

ტრამპი: აშშ ირანზე ახალი დარტყმებისთვის ემზადება