კასპში ყაზბეგის ქუჩაზე, თანამედროვე სტანდარტების შესაბამისი ბეტონზე ხელოვნურ საფარიანი მოედნის მოწყობის სამუშაოები დასრულების პროცესშია. აღნიშნულის შესახებ ინფორმაციას კასპის მუნიციპალიტეტის მერია ავრცელებს.

კასპის მერიის ცნობით, პროექტის მიმდინარეობას კასპის მუნიციპალიტეტის მერი ვახტანგ მაისურაძე მოადგილეებთან და ინფრასტრუქტურის სამსახურის უფროსთან ერთად ადგილზე გაეცნო.

„მოედანი განკუთვნილია როგორც ფეხბურთის, ასევე კალათბურთის სათამაშოდ. უკვე დასრულდა შესაბამისი ინვენტარით აღჭურვაც.

ხელოვნურ საფარიანი მოედნის სამუშაოებს შპს „ევრო ალიანსი“ ახორციელებს, რომელიც ადგილობრივი ბიუჯეტიდან დაფინანსდა და მისი სახელშეკრულებო ღირებულება 78 791 ლარია.

ახალგაზრდებში სპორტისა და ჯანსაღი ცხოვრების წესის პოპულარიზაციისა და განვითარებისთვის საჭიროა მეტი სპორტული სივრცე და ხელშეწყობა, რასაც კასპის მუნიციპალიტეტის მერია მიზნობრივად ახორციელებს“,- აღნიშნულია კასპის მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა