2023-09-20 18:40:29, 656 ნახვა

---

წილოსანი ზურაბიშვილზე - თურნავას წარდგენაზე ბოდიშს იხდის ქალი, რომლის არჩევასაც მილიონზე მეტი ადამიანი ნანობს

ნათია თურნავას წარდგენაზე ბოდიშს იხდის ქალი, რომლის არჩევასაც მილიონზე მეტი ადამიანი ნანობს,- ამის შესახებ "ქართული ოცნების" დეპუტატი ნინო წილოსანი საქართველოს პრეზიდენტთან, სალომე ზურაბიშვილთან დაკავშირებით სოციალურ ქსელში წერს.

წილოსანის შეფასებით, ოპოზიციაა "უღერძოა", ხოლო პრეზიდენტი "ღამურადაა ქცეული".

"მისი ახლანდელი მომწონებელი აღარ გვიმტკიცებს, რომ სალომე ზურაბიშვილი რუსეთის აგენტია, როგორც მას წინასაარჩევნოდ უწოდებდნენ?!

უღერძო ოპოზიცია და ღამურად ქცეული პრეზიდენტი",- წერს წილოსანი.

ცნობისთვის, საქართველოს პრეზიდენტმა, სალომე ზურაბიშვილმა დღეს გამართულ საგანგებო ბრიფინგზე განაცხადა, რომ ეროვნული ბანკის პრეზიდენტის მოვალეობის შემსრულებელი ნათია თურნავა უნდა გადადგეს. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი